საზოგადოებრივი პროგრამების ფონდი (SPF)

ორგანიზაცია მომავლის განვითარების სახლი (OFPH)
სამართლებრივი დაცვის ინსტიტუტი (LPI)

კახეთის რეგიონალური განვითარების ფონდი (KRDF)

დევნილთა ფორუმი
2019-05-14

2019 წლის 24 აპრილს, კონსორციუმი სამართლებრივი დახმარება საქართველო-ს (LAG), გაეროს ლტოლვილთა უმაღლესი კომისარიატის (UNHCR) და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს (დევნილთა სამინისტრო) ორგანიზებით მოეწყო „დევნილთა ფორუმი“ თბილისში, სასტუმრო „ვერე პალასში“.

დევნილთა ფორუმმა შეკრიბა დევნილთა თემის 40 წარმომადგენელი საქართველოს სხვადასხვა რეგიონებიდან, მათ შორის ზუგდიდის, ფოთის, კოპიტნარის, ხონის, წყალტუბოს, ქუთაისის, წეროვანის, რუსთავის და თბილისის წარმომადგენლები. ღონისძიებაში მონაწილეობა მიიღეს ასევე სახელმწიფო და ადგილობრივი ხელისუფლების წარმომადგენლებმა (მაგ: დევნილთა სამინისტროდან, დევნილობაში მყოფი აფხაზეთის ავტონომიური რესპუბლიკის მთავრობიდან, ზუგდიდის და რუსთავის მუნიციპალიტეტებიდან).   

დევნილთა ფორუმის ძირითადი მიზანი იყო იდეების, მოსაზრებების და ხედვების ურთიერთგაცვლის ხელშეწყობა იძულებით გადაადგილებასთან დაკავშირებულ საკითხებზე. უფრო კონკრეტულად, დევნილთა ფორუმის ამოცანები იყო იძულებითი გადაადგილებით გამოწვეულ პრობლემებზე ცნობიერების ამაღლება, კონსტრუქციული დიალოგის წარმართვა დევნილთა თემის, სახელმწიფო და ადგილობრივ დონეზე მოქმედ დაინტერესებულ მხარეებს შორის, და ამ უკანასკნელთათვის რეკომენდაციების შემუშავება.        

დევნილთა ფორუმი ორგანიზებული იყო „იურიდიული დახმარება დევნილთათვის საქართველოში“ პროექტის ფარგლებში, რომელიც დაფინანსებული არის UNHCR-ის მიერ და როგორც გაეროს სახელმძღვანელო პრინციპების 20 წლისთავისადმი მიძღვნილ ღონისძიებათა ნაწილი.

პროექტის პრეზენტაცია ქუთაისში
2019-02-26

2019 წლის 11 თებერვალს, კონსორციუმი სამართლებრივი დახმარება საქართველო-ს (LAG) და ორგანიზაცია მომავლის განვითარების სახლის (OFPH) ორგანიზებით ქუთაისში მოეწყო პროექტის „დემოკრატიის ხელშეწყობა საქართველოში იძულებით გადაადგილებულ პირთა - დევნილთა არჩევნებში მონაწილეობის გზით“ პრეზენტაცია, რომელსაც ესწრებოდნენ იმერეთის რეგიონში მოქმედი სამთავრობო და არასამთავრობო სექტორის წარმომადგენლები. სტუმრებს მიეწოდათ ინფორმაცია პროექტის ფარგლებში დაგეგმილი საქმიანობების შესახებ. 
შეხვედრის მეორე ნაწილი დაეთმო დისკუსიას თემაზე „არასამთავრობო სექტორის როლი არჩევნებში დევნილთა ინფორმირებული მონაწილეობის გასაზრდელად“.

პროექტი დაფინანსებული არის გაეროს დემოკრატიის ფონდის მიერ (UNDEF) და მიზნად ისახავს საქართველოში დევნილთა ცნობიერების ამაღლებას და ინფორმირებულ მონაწილეობას საარჩევნო პროცესებში.

პროექტის დაწყების სამუშაო შეხვედრა
2019-01-29

2019 წლის 17 იანვარს, კონსორციუმი სამართლებრივი დახმარება საქართველო-ს (LAG) ორგანიზებით მოეწყო სამუშაო შეხვედრა ქუთაისში, რომელიც მიეძღვნა ახალი პროექტის „დემოკრატიის ხელშეწყობა საქართველოში იძულებით გადაადგილებულ პირთა - დევნილთა არჩევნებში მონაწილეობის გზით“ დაწყებას. პროექტში მონაწილე პარტნიორებმა იმსჯელეს პროექტის საქმიანობებზე, მათი განხორციელების გზებზე და საკუთარ როლზე და მოვალეობებზე პროექტთან მიმართებაში. შეხვედრის ბოლოს ხელი მოეწერა ქვე-საგრანტო ხელშეკრულებებს პროექტის განმახორციელებელ პარტნიორებთან, კერძოდ: საზოგადოებრივი პროგრამების ფონდთან (SPF), ორგანიზაცია მომავლის განვითარების სახლთან (OFPH) და სამართლებრივი დაცვის ინსტიტუტთან (LPI). პროექტი დაფინანსებული არის გაეროს დემოკრატიის ფონდის მიერ (UNDEF) და მიზნად ისახავს დევნილთა ცნობიერების ამაღლებას და ინფორმირებულ მონაწილეობას საარჩევნო პროცესებში საქართველოში.

ჩვენ ვეძებთ მოხალისეს!
2019-01-16

კონსორციუმი სამართლებრივი დახმარება საქართველო (LAG) აცხადებს ვაკანსიას  ოფისის ასისტენტის - მოხალისის პოზიციაზე, რომელიც ბაზირებული იქნება თბილისში. პოზიციაზე აყვანილი პირი ხელს შეუწყობს LAG-ის თბილისის ოფისის შეუფერხებელ ფუნქციონირებას, რაც ასევე მოიცავს LAG-ის თბილისის ოფისიდან მართული და განხორციელებული პროექტების მხარდაჭერას. LAG საკუთარ თანამშრომლებს და მათთან ასოცირებულ პირებს სთავაზობს საინტერესო სამუშაო გარემოს, რომელიც ორიენტირებული იქნება სწავლაზე და განვითარებაზე. გთხოვთ გაითვალისწინოთ, რომ აღნიშნული პოზიცია არ არის ანაზღაურებადი, თუმცა წარმატებულ კანდიდატებს, სტაჟირების პერიოდის დასრულების შემდეგ, მიენიჭებათ უპირატესობა LAG-ის მიერ მომავალში ინიცირებულ რეკრუტირების პროცესში.

 

http://www.jobs.ge/202416/


ჩვენ ვთანამშრომლობთ:

United Nations Democracy Fund (UNDEF)

  გაეროს დემოკრატიის ფონდი

გაეროს ლტოლვილთა უმაღლესი კომისარიატი
ნორვეგიის საგარეო საქმეთა სამინისტრო 
განსახლების, ლტოლვილთა   
და მიგრაციის ბიურო

მოძრაობა შიმშილის წინააღმდეგ
ინიციატივა საბინაო მეურნეობა აღმოსავლეთ ევროპაში
ევროკავშირის დელეგაცია      
საქართველოში 
გადავარჩინოთ ბავშვები საერთაშორისო
დანიის ლტოლვილთა საბჭო


CDS © 2014