საზოგადოებრივი პროგრამების ფონდი (SPF)

ორგანიზაცია მომავლის განვითარების სახლი (OFPH)
სამართლებრივი დაცვის ინსტიტუტი (LPI)

კახეთის რეგიონალური განვითარების ფონდი (KRDF)

სამუშაო შეხვედრები დევნილთა სათემო ორგანიზაციების წარმომადგენლებთან.
2018-09-05

2018 წლის 29-30 აგვისტოს კონსორციუმი სამართლებრივი დახმარება საქართველოს (LAG) ორგანიზებით თბილისსა და ქუთაისში გაიმართა სამუშაო შეხვედრები დევნილთა სათემო ორგანიზაციების წარმომადგენლებთან. შეხვედრებში მონაწილეობდნენ რუსთავის, გარდაბნის, წყალტუბოს და კოპიტნარის დევნილთა ჩასახლებებში მოქმედი სათემო ორგანიზაციების და საერთაშორისო ორგანიზაცია „გადავარჩინოთ ბავშვები“-ს წარმომადგენლები.

შეხვედრების დროს მონაწილეებმა იმსჯელეს უკანასკნელი ერთი წლის განმავლობაში LAG-ის მიერ განხორციელებულ საქმიანობაზე ზემოდხსენებულ დევნილთა  ჩასახლებებში და სამომავლო გეგმებზე. შეხვედრის ბოლოს მხარეებმა ხელი მოაწერეს ურთიერთთანამშრომლობის მემორანდუმს, რომლის მიხედვითაც აღნიშნული სათემო ორგანიზაციები და LAG-ი მომავალშიც განაგრძობენ თანამშრომლობას. 

შეხვედრები ორგანიზებული იყო „ადამიანის უფლებების დაცვა და დევნილთა მხარდაჭერა საქართველოში“ პროექტის ფარგლებში, რომელიც ხორციელდება პარტნიორობით საერთაშორისო ორგანიზაცია „გადავარჩინოთ ბავშვები“ და აშშ-ს სახელმწიფო დეპარტამენტის მოსახლეობის, ლტოლვილთა და მიგრაციის ბიუროს (BPRM) ფინანსური მხარდაჭერით.

პრაქტიკოსი იურისტების სამუშაო შეხვედრა
2018-07-10

2018 წლის 25 ივნისს ქუთაისში კონსორციუმი სამართლებრივი დახმარება საქართველოს (LAG) ორგანიზებით გაიმართა სამუშაო შეხვედრა სახელმწიფო იურიდიული დახმარების სამსახურთან. შეხვედრების დროს პრაქტიკოსმა იურისტებმა გაცვალეს ინფორმაცია და გაუზიარეს ერთმანეთს გამოცდილება იძულებით გადაადგილებულ პირთა - დევნილთა სამართლებრივ საქმეებზე მუშაობის შესახებ. საუბარი შეეხო სამომავლო თანამშრომლობას. კერძოდ, დაიგეგმა და მალევე განხორციელდა ერთობლივ საველე გასვლები დევნილთა ჩასახლებებში.

შეხვედრები ორგანიზებული იყო „უფასო იურიდიული დახმარება დევნილთათვის საქართველოში“ პროექტის ფარგლებში, რომელიც დაფინანსებული არის გაეროს ლტოლვილთა უმაღლესი კომისარიატის (UNHCR) მიერ.

პროექტი „სამართლიანი საზოგადოებისათვის“ დახურვის ღონისძიება
2018-06-06

2018 წლის 29 მაისს კონსორციუმი სამართლებრივი დახმარება საქართველოს (LAG) წარმომადგენლებმა მონაწილეობა მიიღო პროექტი „სამართლიანი საზოგადოებისათვის“ დახურვის ღონისძიებაში, რომელიც გაიმართა ქ. თბილისში, სასტუმრო „იოტაში“ ლტოლვილთა დანიის საბჭოს (DRC) ორგანიზებით. შეხვედრას ესწრებოდნენ სამთავრობო და არასამთავრობო სექტორის, ასევე სათემო ორგანიზაციების წარმომადგენლები. ღონისძიების მსველობისას პროექტის განმახორციელებელმა პარტნიორებმა  შეაჯამეს პროექტის ფარგლებში  წარმოებული ადვოკატირების კამპანიის შედეგები.

აღნიშნული   ღონისძიება მომზადდა პროექტის „სამართლიანი საზოგადოებისკენ“ ფარგლებში, რომელიც ქვეყნის რამდენიმე რეგიონში ხორციელდებოდა ლტოლვილთა დანიის საბჭოსა (DRC) და საქველმოქმედო ჰუმანიტარული ცენტრი „აფხაზეთი“ (CHCA) პარტნიორობით. პროექტის მიზანი იყო რეგიონული სათემო და არასამთავრობო ორგანიზაციების შესაძლებლობების გაზრდა დევნილთა უფლებების დაცვის მიზნით. პროექტის მხარდამჭერი იყო სამოქალაქო საზოგადოების განვითარების ფონდი (CISU).

დევნილთა კომპაქტურ დასახლებაში 49 ოჯახის ყოფითი პრობლემა გადაჭრილია
2018-05-28

ქეთევანმა ახალი მილები დამონტაჟებით დაზიანებული სახურავი შეაკეთა და დევნილთა კომპაქტურ დასახლებაში მცხოვრები 49 ოჯახის ყოფითი პრობლემა საბოლოოდ გადაჭრა.

ქეთევანი  თბილისში, ანა პოლიტკოვსკაიას ქუჩა N27-ში მდებარე დევნილთა კომპაქტურ დასახლებაში 2012 წლიდან ცხოვრობს. მისი საცხოვრებელი კორპუსის სახურავი დაზიანდა და წვიმის დროს გამონადენი წყალი მოსახლეთა ბინებს ტბორავდა. შეწუხებული დევნილები კარგა ხანს განიცდიდნენ ზარალს. მათ იცოდნენ, რომ აღნიშნულ პრობლემას ბინათმესაკუთრეთა ამხანაგობის დაარსება გადაჭრიდა. ამ გზით ისინი მიიღებდნენ დაფინანსებას მთავრობისგან. ქეთევანმა, როგორც დევნილთა თემის აქტიურმა წევრმა, საკუთარ თავზე აიღო ამხანაგობის დაარსება. მან LAG კონსორციუმს სამართლებრივი დახმარების თხოვნით  მიმართა. LAG-მა ქეთევანს შესაბამისი სამართლებრივი კონსულტაცია გაუწია და ბინათმესაკუთრეთა ამხანაგობის რეგისტრაციისთვის საჭირო ყველა დოკუმენტის მომზადებაში დაეხმარა. საბოლოოდ, ქეთევანმა, როგორც ბინათმესაკუთრეთა ამხანაგობის თავმჯდომარემ, სახელმწიფო დაფინანსების მოპოვება  და  დაზიანებული სახურავის შეკეთება მოახერხა.

დევნილი მოსახლეობის ყოფითი პირობების გასაუმჯობესებლად ქეთევანის კომპაქტურ დასახლებაში გასაკეთებელი კიდევ ბევრია. კორპუსის შიდა და გარე მდგომარეობის გასაუმჯობესებლად აუცილებელია საერთო ფართების პრივატიზება. LAG კონსორციუმი, ქეთევანთან და მის მეზობლებთან მჭიდრო თანამშრომლობის გზით, ცდილობს ამ და სხვა, სამართლებრივი ხასიათის პრობლემების მოგვარებას. 

LAG კონსორციუმი, ცნობიერების ამაღლებისა და სამართლებრივი კონსულტაციების გზით, სხვადასხვა კომპაქტურ დასახლებებში დევნილთა მოსახლეობის მხარდაჭერას 2014 წლიდან ახორციელებს “უფასო იურიდიული დახმარება საქართველოში იძულებით გადაადგილებულ პირთათვის“ პროექტის ფარგლებში. აღნიშნული პროექტი დაფინანსებულია გაერთიანებული ერების ლტოლვილთა უმაღლესი კომისარიატის (UNHCR) მიერ და მისი მიზანია ხელი შეუწყოს დევნილებისთვის გრძელვადიანი გადაწყვეტილებების ხელმისაწვდომობას.


ჩვენ ვთანამშრომლობთ:

გაეროს ლტოლვილთა უმაღლესი კომისარიატი
ნორვეგიის საგარეო საქმეთა სამინისტრო 
განსახლების, ლტოლვილთა   
და მიგრაციის ბიურო

მოძრაობა შიმშილის წინააღმდეგ
ინიციატივა საბინაო მეურნეობა აღმოსავლეთ ევროპაში
ევროკავშირის დელეგაცია      
საქართველოში 
გადავარჩინოთ ბავშვები საერთაშორისო
დანიის ლტოლვილთა საბჭო


CDS © 2014