2017 წლის 24 ივლისს კონსორციუმი სამართლებრივი დახმარება საქართველომ (LAG) „ბინათმესაკუთრეთა ამხანაგობები, როგორც თანამედროვე ქალაქის მამოძრავებელი ძალა“ პროექტის ფარგლებში უმასპინძლა ევროკავშირის მიერ გამოგზავნილ საერთაშორისო ექსპერტს, ბატონ ალი დასტგეერს, რომელიც პროექტის მონიტორინგის მიზნით ეწვია საქართველოს. ვიზიტის მსვლელობისას ბატონი ალი გაეცნო პროექტის მიმდინარეობას და შეხვდა თბილისის საბურთალოს რაიონის გამგებელს, გაესაუბრა ბინათმესაკუთრეთა ამხანაგობების წარმომადგენლებს და გაეცნო პროექტის ფარგლებში შექმნილი ამხანაგობების საქმიანობას. ასევე, მან მოინახულა საბურთალოს გამგეობის ბაზაზე არსებული ტექნიკური დახმარების ცენტრი, რომელიც შეიქმნა ბინათმესაკუთრეებისათვის ინფორმაციის და კონსულტაციის უზრუნველსაყოფად და ცნობიერების ასამაღლებლად საბინაო მართვის პროცესში. პროექტი დაფინანსებულია ევროკავშირის მიერ და ხორციელდება მდგრადი განვითარების ცენტრ - რემისიასთან, საქველმოქმედო ჰუმანიტარულ ცენტრ „აფხაზეთთან“ (CHCA) და გერმანულ არასამთავრობო ორგანიზაციასთან „ინიციატივა საბინაო მეურნეობა აღმოსავლეთ ევროპაში" (IWO) პარტნიორობით.