2018 წლის თებერვლიდან რუსთავის, გარდაბნის, წყალტუბოსა და კოპიტნარის სამიზნე სკოლებში აქტიურად მიმდინარეობს მზადება სასკოლო ღონისძიებებისთვის, რომელიც მიზნად ისახავს მოზარდებში  გენდერული თანასწორობისა და ქალთა უფლებების შესახებ ცნობიერების ამაღლებას.

აქტივობები ხორციელდება  „ადამიანის უფლებების დაცვა და იძულებით გადაადგილებული პირების მხარდაჭერა საქართველოში“ პროექტის ფარგლებში, რომლის მიზანია რუსთავის, გარდაბანის, წყალტუბოსა და კოპიტნარის თემებში მცხოვრებ იძულებით გადაადგილებულ პირთა ადამიანის უფლებებთან და სამართლებრივ დაცვასთან დაკავშირებული პრობლემების მოგვარება ეფექტური სამართლებრივი დაცვის, რეფერირების, ადვოკატირებისა და შესაძლებლობების განვითარების გზით. პროექტს ახორციელებს კონსორციუმი სამართლებრივი დახმარება საქართველო (LAG) საერთაშორისო ორგანიზაცია „გადავარჩინოთ ბავშვები“-თან (SC) თანამშრომლობით აშშ სახელმწიფო დეპარტამენტის მოსახლეობის, ლტოლვილთა და მიგრაციის ბიუროს (BPRM) ფინანსური მხარდაჭერით.