2019 წლის 18-19 ივლისს, კონსორციუმი სამართლებრივი დახმარება საქართველო-ს (LAG) პროგრამების მენეჯერი, დიმიტრი ზვიადაძე მიწვეული იყო როგორც მომხსენებელი საერთაშორისო საზაფხულო აკადემიაში, რომელიც მიეძღვნა მიგრაციის და ინტეგრაციის საკითხებს აღმოსავლეთ პარტნიორობის და ბალტიის ზღვის რეგიონში. ორკვირიანი საერთაშორისო საზაფხულო აკადემია ორგანიზებული იყო საქართველოს საზოგადოებრივი ურთიერთობების ინსტიტუტის (GIPA) და შვედეთის გოთენბურგის უნივერსიტეტის (UoG) მიერ. LAG-ის წარმომადგენლის პრეზენტაცია შეეხო „მიგრაციასთან და იძულებით გადაადგილებასთან დაკავშირებულ სამართლებრივ საკითხებს - საქართველოს გამოცდილებას და პარალელებს უკრაინასთან“.