2019 წლის 5 ივლისს, კონსორციუმი სამართლებრივი დახმარება საქართველო (LAG) მონაწილეობა მიიღო გაერთიანებული ერების (UN) და საქართველოს ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტროს მიერ ორგანიზებულ კონფერენციაში, რომელიც მიეძღვნა იძულებით გადაადგილების შესახებ გაეროს სახელმძღვანელო პრინციპების მიღების 20 წლისთავს. 

2019 წლის 20 მაისს, კონსორციუმმა სამართლებრივი დახმარება საქართველო (LAG) უმასპინძლა ბ-ნ კრისტიან ლამარს,  პროგრამების მართვის უფროს ოფიცერს, გაეორს დემოკრატიის ფონდიდან (UNDEF). ეს იყო მონიტორინგის ხასიათის ვიზიტი, რომელიც განხორციელდა „დემოკრატიის ხელშეწყობა იძულებით გადაადგილებულ პირთა (დევნილთა) არჩევნებში მონაწილეობის მეშვეობით საქართველოში“ პროექტის ფარგლებში. პროექტი მიზნად ისახავს დევნილთა ცნობიერების ამაღლებასა და ინფორმირებულ მონაწილეობას საქართველოს საარჩევნო პროცესებში.

2019 წლის 24 აპრილს, კონსორციუმი სამართლებრივი დახმარება საქართველო-ს (LAG), გაეროს ლტოლვილთა უმაღლესი კომისარიატის (UNHCR) და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს (დევნილთა სამინისტრო) ორგანიზებით მოეწყო „დევნილთა ფორუმი“ თბილისში, სასტუმრო „ვერე პალასში“.

2019 წლის 11 თებერვალს, კონსორციუმი სამართლებრივი დახმარება საქართველო-ს (LAG) და ორგანიზაცია მომავლის განვითარების სახლის (OFPH) ორგანიზებით ქუთაისში მოეწყო პროექტის „დემოკრატიის ხელშეწყობა საქართველოში იძულებით გადაადგილებულ პირთა - დევნილთა არჩევნებში მონაწილეობის გზით“ პრეზენტაცია, რომელსაც ესწრებოდნენ იმერეთის რეგიონში მოქმედი სამთავრობო და არასამთავრობო სექტორის წარმომადგენლები. სტუმრებს მიეწოდათ ინფორმაცია პროექტის ფარგლებში დაგეგმილი საქმიანობების შესახებ.

2019 წლის 17 იანვარს, კონსორციუმი სამართლებრივი დახმარება საქართველო-ს (LAG) ორგანიზებით მოეწყო სამუშაო შეხვედრა ქუთაისში, რომელიც მიეძღვნა ახალი პროექტის „დემოკრატიის ხელშეწყობა საქართველოში იძულებით გადაადგილებულ პირთა - დევნილთა არჩევნებში მონაწილეობის გზით“ დაწყებას.